काल ‘महा पत्रकार परिषदे’तून खुलासे; आज संजय राऊतांचा राहुल नार्वेकरांवर पुन्हा हल्लाबोल

महाराष्ट्र विधानसभा अध्यक्ष राहुल नार्वेकर यांनी शिवसेना पक्ष आणि आमदार अपात्रता प्रकरणाचा निकाल दिला. हा निकाल शिंदे गटाच्या बाजूने लागला. त्यानंतर ठाकरे गटाने आक्रमक भूमिका घेतली. काल मुंबईतील वरळी डोम इथं ठाकरे गटाने महा पत्रकरा परिषद घेतली. यात विविध खुलासे करण्यात आले. त्यानंतर आज ठाकरे गटाचे नेते, खासदार संजय राऊत यांनी राहुल नार्वेकर यांच्यावर पुन्हा एकदा निशाणा साधला. राहुल नार्वेकर यांनी दिलेला निर्णय सर्वांनी पाहिला आहे, असं संजय राऊत म्हणालेत.

सर्टिफिकेट अन् पक्षाची घटना

दरवर्षी अॅनिव्हरसरीला आपण लग्नाचं सर्टिफिकेट दाखवत नाही. हे आमचं लग्नाचं सर्टिफिकेट आणि आम्ही अॅनिव्हरसरी करतोय, असं कुणी करत नाही. तीस वर्षे 35 वर्षे लोक अॅनिव्हरसरी साजरी करत असतात. पक्षाची घटना एकदा निवडणूक आयोगाला दिली. की ती दिलेली असते. त्या घटनेत जे बदल होतात. ते आपण वेळोवेळी कळवत असतो. ते शिवसेनेने केलेलं आहे. त्याचे पुरावे काल आम्ही सादर केले आहेत. हे नार्वेकरांनी काल पाहिलं असेल. तर त्यांना लक्षात यायला पाहिजे. ते वकी आहेत. नाही तर तुमची डिग्री तपासा, असं म्हणायची वेळ आमच्यावर येऊ नये. साध्या वकिलाला जे कळतं. ते तुम्हाला कळलं पाहिजे, असं राऊत म्हणाले.

नार्वेकरांवर हल्लाबोल

काल शिवसेना पक्षप्रमुख उद्धव ठाकरे यांनी जनता न्यायालयाचे आयोजन केलं होतं आणि त्याला प्रचंड प्रतिसाद मिळाला. लवाद ट्रॅव्हूनल विधानसभा अध्यक्ष राहुल नार्वेकर यांनी सर्वोच्च न्यायालयाचे आदेश कसे पायदळी तुडवले त्यांनी कशी मनमानी केली निर्णय देताना शिवसेनेच्या बाबतीत याची प्रत्यक्ष पुरावे हे काल समोर आणले. राहुल नार्वेकरांनी नंतर राजकीय पत्रकार परिषद घेतली. ती हास्यास्पद होती. त्यांचं तेच परत तुणतुणं होतं, असं संजय राऊत म्हणाले.

नार्वेकर म्हणाले, हे का नाही दिलं आणि ते का नाही दिलं आम्ही काल सर्व स्क्रीनवर दाखवलं. काल सर्व दाखवलं. सर्वोच्च न्यायालयातील इलेक्शन कमिशनर समोर आहे. 1999 ची घटना इलेक्शन कमिशनला आहे. त्यांना मला सांगायचं आहे आपण वकील आहात आणि देवेंद्र फडणवीस देखील वकील आहेत. दोन वकिलांनी एकत्र बसावं आणि एकदा काय ते ठरवावं, असं संजय राऊत म्हणाले.