राज्यात परिचारिकांचा संप, आरोग्य यंत्रणा सलाईनवर

Abhishek Raghuvanshi14 दिसंबर 2023 · 1 मिनट पढ़ें

इस खबर को अपनों तक पहुंचाएं

राज्यातील परिचारिकांनी आजपासून बेमुदत संप सुरु केला आहे. निवृत्तिवेतन आणि निवृत्तीचे वय वाढवण्याची मागणीसाठी हा संप सुरु केला आहे. या संपात पुणे जिल्ह्यातील एक हजार परिचारिका सहभागी झाल्या आहे. राज्यात ठिकठिकाणी अशीच परिस्थिती निर्माण झाली आहे. या संपामुळे पुणे जिल्ह्यास राज्यातील आरोग्य व्यवस्थेवर परिणाम झाला आहे. जुन्या पेन्शन योजनेच्या मागणीसाठी आंदोलन सुरु केले आहे. संभाजीनगरच्या घाटी रुग्णालयातील परिचरिकांनी आंदोलन सुरू केले आहे. घाटी रुग्णालयाच्या आवारात जोरदार घोषणाबाजी सुरू केली आहे. सर्व शासकीय रुग्णालयातील परिचारिकांनी संपामध्ये सहभाग घेतला आहे. त्यामुळे राज्यातील आरोग्य यंत्रणा सलाईनवर आली आहे.

आरोग्य विभागाकडून पर्यायी व्यवस्था

राज्यात परिचारिकांनी पुकारलेल्या संपामुळे आरोग्य विभागाने पर्यायी व्यवस्था सुरु केली आहे. जिल्हा रुग्णालयातील परिचारिका व वर्ग चारचे कर्मचारी संपात सहभागी झाले आहे. यामुळे नर्सिंग महाविद्यालयाच्या विद्यार्थिनींना बोलवण्यात आले आहे. अनेक शासकीय रुग्णालयात नर्सिंगच्या विद्यार्थ्यांवर काम सुरु करण्यात आले आहे. तसेच राष्ट्रीय आरोग्य अभियानाचे परिचारिक आणि कंत्राटी कर्मचाऱ्यांची मदत घेतली जात आहे.

मुंबईत कर्मचाऱ्यांचे आंदोलन

काल मुख्यमंत्री एकनाथ शिंदे यांच्या उपस्थितीत नागपूर येथे बैठक झाली. या बैठकीतून काही साध्य न झाल्याने कर्मचारी आंदोलन आज सुरु केले. संपूर्ण महाराष्ट्रामध्ये राज्य सरकारी कर्मचारी संपावर गेलेले आहेत. जवळपास 17 लाख कर्मचाऱ्यांनी यामध्ये सहभाग घेतला आहे.

राज्य सरकारने मागील सहा महिन्यांपासून कोणतीही ठोस भूमिका घेतली नाही. आम्ही राज्य सरकारला बराच अवधी दिला. त्यानंतरही आमची मागणी मान्य झाली नाही. यामुळे आमच्या न्याय हक्कासाठी आम्हाला आंदोलनाला सामोरे जावे लागत आहे, असे कर्मचाऱ्यांनी सांगितले. जुनी पेन्शन योजना लागू करण्यासंदर्भात मुंबईतील जे.जे. रुग्णालय येथे आंदोलन करण्यात आले. आज सर्व हॉस्पिटलमधील कर्मचारी संपावर गेल्यामुळे रुग्णांसेवेवर परिणाम झाला आहे. आता जोपर्यंत आमच्या मागण्या लिखित स्वरूपात मान्य होत नाहीत तोपर्यंत आमचा बेमुदत संप सुरु राहणार असल्याचे त्यांनी सांगितले.