इंडिगो विमानात विनयभंग, उतरताच आरोपी प्रवाशाला अटक

इंडिगोच्या फ्लाइटमधून प्रवास करणाऱ्या एका व्यक्तीवर त्याच्या सहप्रवाशाने लैंगिक अत्याचार केल्याचा आरोप करण्यात आला आहे. मुंबईहून गुवाहाटीला जाणाऱ्या इंडिगोच्या विमानात ही घटना घडली. यानंतर विमान गुवाहाटी विमानतळावर उतरल्यानंतर विमान कंपनीने आरोपी प्रवाशाला आसाम पोलिसांच्या ताब्यात दिले. सोमवारी इंडिगोने एक निवेदन जारी करून ही माहिती दिली.

इंडिगोच्या प्रवक्त्याने सांगितले की, इंडिगो फ्लाइट 6E-5319 मधून मुंबई-गुवाहाटी दरम्यान प्रवास करणाऱ्या प्रवाशाने लैंगिक छळाची तक्रार गुवाहाटी पोलिसांकडे सोपवली होती. तक्रारदाराने स्थानिक पोलिसात एफआयआर दाखल केला आहे. आवश्यक असल्यास, आम्ही त्यांच्या तपासात मदत करू.

इंडिगो फ्लाइटमध्ये प्रवाशाचा विनयभंग
इंडिगोने या घटनेबाबत फारशी माहिती दिलेली नाही. मीडिया रिपोर्ट्समध्ये असे म्हटले आहे की 10 सप्टेंबर रोजी मुंबईहून गुवाहाटीला जाणाऱ्या फ्लाइटमध्ये एका पुरुष सहप्रवाशाने एका महिला प्रवाशाचा विनयभंग केला होता. पीडितेने तक्रार दाखल केल्यानंतर आरोपी प्रवाशाला गुवाहाटी पोलिसांनी अटक केली.

ऑगस्टमध्येही अशीच घटना घडली होती

गेल्या महिन्यात फ्लाइटमध्ये छेडछाड करण्याचे आणखी एक प्रकरण समोर आले आहे. 16 ऑगस्ट रोजी स्पाइस जेटच्या दिल्ली-मुंबई फ्लाइटचा व्हिडिओ सोशल मीडियावर व्हायरल झाला होता. लैंगिक छळाचे प्रकरण म्हणून त्याचे वर्णन करण्यात आले होते. दिल्ली महिला आयोगाच्या अध्यक्षा स्वाती मालीवाल यांनी याबाबत कारवाई केली होती. या घटनेवर त्यांनी दिल्ली पोलीस आणि डीजीसीएला नोटीस बजावली होती.