शिवसेना खासदार संजय राऊत वादात: भाजप नेत्यांवर शिवीगाळ केल्याचा आरोप, दिल्लीत एफआयआर दाखल

शिवसेना खासदार आणि प्रवक्ते संजय राऊत यांच्याविरोधात दिल्लीतील मांडवली पोलीस ठाण्यात एफआयआर दाखल करण्यात आला आहे. एका टीव्ही मुलाखतीदरम्यान भाजप नेत्यांविरोधात अपमानास्पद शब्द वापरल्याचा आरोप त्यांच्यावर आहे. ९ डिसेंबर रोजी भाजपच्या सरचिटणीस दीप्ती रावत भारद्वाज यांनी शिवसेना खासदाराविरोधात तक्रार दाखल केली होती, चौकशीनंतर दिल्ली पोलिसांनी सोमवारी गुन्हा दाखल केला आहे.

दीप्ती रावत भारद्वाज यांनी आपल्या तक्रारीत संजय राऊत यांच्या मराठी वृत्तवाहिनीवर दिलेल्या मुलाखतीचा हवाला दिला होता. राऊत यांची मुलाखत दोन टीव्ही चॅनेल्सवर प्रसारित झाली. मुलाखतीत राऊत यांनी भाजप कार्यकर्त्यांसह महिलांबाबत अपमानास्पद वक्तव्य केल्याचा आरोप दीप्ती यांनी केला आहे. संपूर्ण मुलाखतीत राऊत यांनी चार वेळा आक्षेपार्ह शब्द वापरला होता. दीप्ती यांनी त्यांच्याविरुद्ध महिलांचा अपमान करणे आणि महिलांसाठी सामाजिक अपमानास्पद शब्द वापरल्याप्रकरणी गुन्हा दाखल केला आहे. दिल्लीतील मांडवली पोलीस ठाण्यात आयपीसीच्या कलम ५०० आणि ५०९ अंतर्गत राऊतविरुद्ध एफआयआर दाखल करण्यात आला आहे.

व्हिडिओच्या तपासानंतर गुन्हा दाखल

दीप्ती रावत भारद्वाज यांनी तक्रार नोंदवताना टीव्ही चॅनलची क्लिपही पोलिसांना दिली आहे. या व्हिडिओ क्लिपच्या तपासानंतर राऊतविरुद्ध गुन्हा दाखल करण्यात आला आहे.

प्रतिशोधात्मक कारवाई
या एफआयआरनंतर संजय राऊत यांनी स्पष्टीकरण देताना म्हटले आहे की, ‘मी वापरलेला शब्द म्हणजे मूर्ख. त्या शब्दाचा अर्थ सर्व डिक्शनरीमध्ये दिलेला आहे, डिक्शनरीला सर्व सरकारी आणि साहित्यिक संस्थांनी मान्यता दिली आहे, तरीही माझ्यावर दिल्लीत एफआयआर नोंदवण्यात आला आहे. हे सूडबुद्धीने केले गेले आहे.

लक्षात ठेवा ही शिवसेना आहे
राऊत पुढे म्हणाले की, सीबीआय, ईडी, आयकर माझ्यापर्यंत पोहोचू शकले नाहीत. त्यामुळे नव्या पद्धतीने माझा आवाज दाबण्याचा हा प्रयत्न आहे. महाराष्ट्रात तुम्ही माझ्याविरुद्ध काहीही करू शकत नाही. इथे यंत्रणा माझ्याविरुद्ध बोलू शकत नाही. मला त्यांना सांगायचे आहे की, ही शिवसेना आहे, त्यांनी लक्षात ठेवावे.

कंगनासाठी हरामखोर हा शब्द वापरण्यात आला होता
यापूर्वी शिवसेना खासदारांनी अभिनेत्री कंगना रनोटला ‘रामखोर गर्ल’ म्हटले आहे. त्यावरून गदारोळ झाला असता, राऊत यांनी आपल्या स्पष्टीकरणात हरामखोर म्हणजे महाराष्ट्रात ‘खट्याळ’ असल्याचं म्हटलं होतं. राऊतच्या या वक्तव्यानंतर कंगनानेही राऊतवर राग काढला.