ग्रँड रोड स्टेशन परिसरातील इमारतीचा भाग कोसळला, अनेक जण अडकले

मुंबईतील ग्रँड रोड स्टेशन परिसरातील चार मधली इमारतीचा काही भाग कोसळला आहे. साई गुणीसा इमारतीचं नाव आहे. काही लोक आतमध्ये अडकल्याची माहिती समोर आली आहे. मुंबई महानगरपालिकेचे अधिकारी कर्मचारी व फायर ब्रिगेडच्या गाड्या घटनास्थळी दाखल झाल्या असून कर्मचाऱ्यांकडून रेस्क्यू ऑपरेशन सुरू करण्यात आलं आहे.

साई गुणीसा ही इमारत बरीच जुनी आहे. आज सकाळपासून मुंबईसह उपनगरांत मुसळधार पावसाने हजेरी लावली आहे.  पहाटेपासून सुरू असलेल्या पावसाने अनेक सखल भागात ठिकाणी पाणी साचलं आहे. याच पावसाचा फटका सामान्य मुंबईकरांनाही बसला आहे.  थोड्या वेळापूर्वी साई गुणीसा इमारतीचा काही भाग कोसळला. त्यामध्ये चार जण अडकल्याची माहिती समोर आली आहे. महापालिकेचे अधिकारी व अग्निशमन दलाचे कर्मचारी घटनास्थळी दाखल झाले असून जखमींना बाहेर काढण्याचे काम सुरू आह.