હાઈ પ્રોફાઈલ પરિવારનો કિસ્સો:કૂતરું રમાડીશ તો બાળકો કૂતરા જેવા થશે એવા સાસુના મહેણાંથી પુત્રવધૂને લાગી આવ્યું, મામલો પોલીસ સ્ટેશન પહોંચ્યો

• કેનેડામાં અમદાવાદની ગર્ભવતી યુવતી પર સાસરિયાંએ ત્રાસ ગુજાર્યો
• પિતાએ રૂપિયા મોકલતા યુવતી ભારત આવી, કોલ પણ કરવાની ના કહેતા ફરિયાદ નોંધાવી
• પરિણીતા ભારત આવી ત્યારે પતિએ ધમકાવીને કહ્યું- સોશિયલ મીડિયામાં ફોટો નહીં મુકવાના
• સતત ત્રાસના કારણે પરિણીતાએ મહિલા પોલીસ સ્ટેશનમા ફરિયાદ નોંધાવી

અમદાવાદની યુવતી લગ્ન કરીને અનેક સપનાઓ સાથે પતિ સાથે કેનેડા ગઈ હતી.લગ્નના થોડા દિવસ બાદ સાસુ સતત બાળક માટે દબાણ કરતી જેથી પરિણીતાની અનિચ્છાએ પણ તે ગર્ભ ધારણ કરવો પડ્યો.પણ વાત આટલેથી અટકી નહિ એને સોનોગ્રાફી દરમિયાન પરિણીતાને બાળકી હોવાથી સાસુએ ત્રાસ આપવાનો શરૂ કરી દીધો હતો. આ બધાની વચ્ચે સાસુ એમ પણ કહેવા લાગી કે તું કૂતરાને રમાડીશ તો તારા બાળકો પણ કૂતરા જેવા થશે. ગર્ભમાં દીકરી હોવાની જાણ થતા સાસુએ ઈન્ડિયા જતા રહેવાનું કહી દીદું હતું. ત્યારબાદ યુવતીના પિતાએ રૂપિયા મોકલતા ટિકિટ કરાવી પ્રેગ્નેન્સીની હાલતમાં યુવતી કોરોના મહામારીમાં પણ ઇન્ડિયા આવી ગઈ હતી. પરિણીતા ભારત આવી તો તેના પતિ પણ ત્રાસ ગુજારવા લાગ્યો હતો. આ સમગ્ર હાઈ પ્રોફાઈલ મામલો મહિલા પોલીસ સ્ટેશનમાં પહોંચ્યો છે.

યુવક-યુવતી બંનેના છૂટાછેડા થયા બાદ લગ્ન કર્યા હતા
શહેરના મણિનગરમાં રહેતી 31 વર્ષીય યુવતી હાલ તેના માતાપિતા સાથે રહે છે. અગાઉ જ્યારે સહજાનંદ કોલેજમાં અભ્યાસ કરતી હતી ત્યારે એક યુવક સાથે તેની મિત્રતા થઈ હતી. બાદમાં આ યુવતી અને યુવકના અલગ અલગ જગ્યાએ લગ્ન થઈ ગયા હતા. યુવતીને તેના પતિ સાથે મનમેળ ન રહેતા વર્ષ 2014માં છૂટાછેડા લીધા હતા. જ્યારે યુવક મિત્ર પત્ની સાથે કેનેડા પીઆર પર જતો રહ્યો હતો. ત્યાં જતા યુવકને તેની પત્ની સાથે બનતું ન હતું. જેથી આ યુવક ઇન્ડિયા આવ્યો ત્યારે યુવતીના ભાઈએ તેને સમજાવ્યો હતો. આ દરમિયાન યુવક અને યુવતી વચ્ચે પ્રેમસંબંધ બંધાયો હતો. બાદમાં યુવકના છૂટાછેડા ન થયા હોવાથી યુવતીએ યુવક સાથે લીવ ઇન રિલેશનશિપમાં રહેવાનું નક્કી થયું હતું.

तस्वीरों में खबर2 फोटो

યુવતી સાથે ઇન્ડિયા આવી યુવકે વર્ષ 2018માં લગ્ન કર્યા હતા
આ મામલે યુવતીના પરિવારજનોને કોઈ વાંધો ન હતો. જોકે, યુવકને પ્રથમ પત્ની સામે વાંધો હોવાથી તેમણે સંબંઘ કાપી નાખ્યો હતો અને અખબારમાં સંબંધ ન હોવાની જાહેરાત પણ યુવકના પરિવારજનોએ આપી દીધી હતી. યુવકની પત્નીએ કેસ કરી 15 લાખ માંગ્યા હતા. જેથી યુવકના પરિવારજનોએ યુવતીના પરિવાર અને યુવક સાથે સમાધાન કર્યું હતું. યુવક અને તેની પત્ની વચ્ચે છૂટાછેડા થઈ આ યુવતી સાથે ઇન્ડિયા આવી યુવકે વર્ષ 2018માં લગ્ન કરી લીધા હતા.

સાસુ યુવતીને મંદિરમાં લઈ જઈને ત્રાસ આપતા હતા
લગ્ન બાદ યુવતીની સાસુ અલગ અલગ વાતો કરી પતિ-પત્ની વચ્ચે ઝગડા કરાવતા હતા. જોકે, યુવતીનો આ પતિ કેનેડા જતો રહ્યો ત્યારે સાસુ કહેતી કે આના કરતાં અમે અમારા સમાજમાં લગ્ન કરાવ્યા હોત તો કંઈક દહેજ મળતું. યુવતીની સાસુ અંધશ્રદ્ધામાં વિશ્વાસ ધરાવતા હોવાથી દોરા લાવી યુવતીને બાંધતા અને મંદિરમાં લઈ જઈને ત્રાસ આપતા હતા. બાદમાં યુવતી કેનેડા પતિ પાસે જતી રહી હતી. એક લગ્ન પ્રસંગમાં ઇન્ડિયા આવી ત્યારે જે વસ્તુઓ બધા માટે લાવી તેમાં પણ સાસુએ વાંધા વચકા કાઢી બોલાચાલી કરી હતી.

સાસુ અને પતિની ઈચ્છા હોવાથી યુવતીએ ગર્ભ રાખ્યો હતો
યુવતી પરત કેનેડા જતી રહેતા તેની સાસુએ બાળક કરવાનું કહ્યું હતું. યુવતીની ઈચ્છા ન હતી પણ સાસુ અને પતિની ઈચ્છા હોવાથી તેણે ગર્ભ રાખ્યો હતો. યુવતી પ્રેગ્નેન્ટ હતી ત્યારે તેનો પતિ ઘરમાં કૂતરું લાવ્યો હતો. જેથી સાસુએ આવેશમાં આવીને યુવતીને કહ્યું કે, ભગવાનનું નામ લેવાની જગ્યાએ કૂતરું રમાડે છે? કોણે કહ્યું હતું કૂતરું લાવવાનું? તારા છોકરા પણ કૂતરા જેવા જ આવશે. સાસુની આ વાતનું યુવતીને મનમાં લાગી આવતા તે સતત તે બાબતે વિચાર કરતા તેની પ્રેગ્નેન્સી પર અસર પડી અને મિસકેરેજ થઈ ગયું હતું.

વીડિયો કોલ કરતા કોલ ન કરવાનું પતિએ કહેતા ફરિયાદ નોંધાવી
બાદમાં સાસુ-સસરા પણ કેનેડા ગયા હતા. ત્યારે ઘર ગંદુ રાખી સાસુ યુવતીને ત્રાસ આપતા હતા. ફરી એક વખત યુવતી પ્રેગ્નેન્ટ થતા સાસુએ કહ્યું કે, બાબો છે કે બેબી તે અહીં તપાસતા હોય તો જોવડાવી લેજે. જેથી યુવતીએ પાંચમાં મહિને સોનોગ્રાફી કરાવતા બેબી હોવાનું જણાયું હતું. જેથી સાસુએ તારે દીકરી થવાની છે, તારું કંઈ કામ નથી. ઇન્ડિયા જતી રહે તેવું કહેતા યુવતીના પિતાએ પૈસા મોકલતા ટિકિટ કરાવી પ્રેગ્નેન્સીની હાલતમાં યુવતી કોરોના મહામારીમાં પણ ઇન્ડિયા આવી ગઈ હતી. બાદમાં તેના પતિએ કહ્યું હતુ કે, સોશિયલ મીડિયા પર ફોટો મૂકવાના નહીં. શ્રીમંતમાં વીડિયો કોલ કરતા કોલ ન કરવાનું કહેતા યુવતીને મહિલા પોલીસ સ્ટેશનમાં ફરિયાદ નોંધાવી છે.

Abhishek Raghuvanshi

+ Follow Subscribe