પરિવાર પર તબાહી મચી, કાર રેલિંગ તોડી ભાદર ડેમમાં પડી; 4 લોકોના મોત

ગુજરાતના રાજકોટમાં એક કરૂણ અકસ્માત સર્જાયો છે. અહીં એક કાર રેલિંગ તોડીને ડેમમાં પડી હતી, જેના કારણે ચાર લોકોના મોત થયા હતા. ધોરાજીના ભાદર ડેમમાં આ અકસ્માત થયો હતો. અકસ્માતનું કારણ કારનું ટાયર ફાટવું હોવાનું કહેવાય છે. તમામ મૃતકો ધોરાજીના રહેવાસી છે.

પરિવાર સોમયજ્ઞથી પરત ફરી રહ્યો હતો.
આપને જણાવી દઈએ કે ધોરાજીના બે પરિવાર સોમયજ્ઞથી પરત ફરી રહ્યા હતા ત્યારે કારનું ટાયર ફાટતા કાર કાબુ બહાર ગઈ હતી. ટાયર ફાટવાને કારણે કાર બ્રિજની રેલિંગ તોડીને પાણીમાં પડી ગઈ હતી, જેના કારણે કારમાં સવાર 4 લોકોના ડૂબી જવાથી મોત થયા હતા. તમામ મૃતકોને તરવૈયાઓની મદદથી બહાર કાઢવામાં આવ્યા છે.

આ રીતે અકસ્માત સર્જાયો હતો
મળતી માહિતી મુજબ મૃત્યુ પામેલાઓમાં ત્રણ મહિલાઓનો પણ સમાવેશ થાય છે. અકસ્માતની માહિતી મળતા જ પોલીસ અને એમ્બ્યુલન્સની ટીમ ઘટનાસ્થળે પહોંચી ગઈ હતી. ઈજાગ્રસ્તો અને મૃતકોના મૃતદેહને ધોરાજી હોસ્પિટલમાં લઈ જવાયા છે. સ્થાનિક સૂત્રોના જણાવ્યા અનુસાર ભાદર પુલ પર કારનું ટાયર ફાટ્યું હતું જેના કારણે કાર કાબૂ બહાર ગઈ હતી.

કાર 50 ફૂટથી વધુ નીચે પડી હતી. કારમાં મુસાફરી કરી રહેલા ધોરાજીના ઠુમ્મર અને કોયાણી પરિવારની ત્રણ મહિલા સભ્યો સહિત ચાર લોકોના કરૂણ મોત નિપજ્યા છે.મૃતકોના નામ દિનેશભાઈ ઠુમ્મર, લીલાવંતીબેન ઠુમ્મર, હાર્દિકાબેન ઠુમ્મર અને સંગીતાબેન કોયાણી છે.