સુરતમાં 2020માં 58 દિવસે એક હજાર કેસ હતા, 2021માં 8 દિવસે અને 2022માં માત્ર 4 દિવસે જ એક હજાર કેસ આવવા લાગ્યા

• 2020ના 7 મહિનામાં કોરોનાના કેસ કાબૂમાં રહ્યા, પણ મોત વધુ થયાં હતાં
• 2021માં એપ્રિલ અને મે મહિનામાં જ 74,037 કેસ અને 871નાં મોત થયાં હતાં
• 2021માં ડેલ્ટા વેરિયન્ટને કારણે ભયાવહ સ્થિતિનું સર્જન થયું હતું

ગુજરાતમાં કોરોનાના કેસ નોંધાવાની શરૂઆત સુરત અને રાજકોટથી 19 માર્ચ 2020થી થઈ હતી. ત્યાર બાદ લોકડાઉનને કારણે કોરોનાના કેસ થોડા કાબૂમાં રહ્યા હતા. જોકે અનલોક કરવાની શરૂઆતની સાથે જ કેસમાં ઉછાળો આવ્યો હતો. ત્યાર બાદ ભારતમાંથી જ પ્રસરેલા કોરોનાના ડેલ્ટા વેરિયન્ટે 2021માં એપ્રિલ અને મે મહિનામાં હાહાકાર મચાવ્યો હતો. જ્યારે હવે કોરોનાના ઓમિક્રોન વેરિયન્ટને કારણે કોરોનાના કેસમાં ઉછાળો આવ્યો છે. 2022ના 4 દિવસમાં કુલ 1 હજારથી વધુ કેસ નોંધાઈ ચૂક્યા છે.

2020માં કોરોના સાથે અન્ય બીમારીથી વધુ મોત થયાં
19 માર્ચ 2020ના રોજ સુરતમાં કોરોનાનો પહેલો કેસ નોંધાયો હતો. ત્યાર બાદ 92 દિવસે 100થી વધુ કેસ નોંધાવાનું શરૂ થયું હતું. ત્યાર બાદ 2020માં જ સપ્ટેમ્બર મહિનાની 29 સપ્ટેમ્બરના રોજ સૌથી વધુ 311 કેસ નોંધાયા હતા. કોરોનાની શરૂઆતમાં 2020માં કેસ લોકડાઉનને કારણે કાબૂમાં રહ્યા હતા. જોકે કોરોનાની સાથે અન્ય બીમારીઓને કારણે મોટી સંખ્યામાં લોકોનાં મોત થયાં હતાં. 2020માં 1127 લોકો કોરોનાને કારણે મોતને ભેટ્યા હતા.

तस्वीरों में खबर9 फोटो

+4

2020 અને 2021ના સરેરાશ કેસમાં ડબલ વધારો
સુરતમાં કોરોનાથી શરૂઆતથી 2020ના 288 દિવસમાં રોજ સરેરાશ 172 કેસ નોંધાયા હતા, જ્યારે 2021ના 365 દિવસમાં રોજ સરેરાશ 260 કેસ નોંધાયા હતા. 2020 અને 2021ના સરેરાશ કેસને જોતાં દોઢ ગણાથી વધુ કેસ નોંધાયા છે, જ્યારે 2022માં કેસના ઉછાળાને જોતાં આ કેસનો આંકડો ડેલ્ટા વેરિયન્ટ કરતાં પણ ડબલ રહે એવી શક્યતા છે.

એપ્રિલ-મે 2021માં જ 77.71 ટકા કેસ નોંધાયા
2021માં ભારતમાં પ્રસરેલા ડેલ્ટા વેરિયન્ટને કારણે મોટા પ્રમાણમાં કેસો નોંધાયા હતા. આ સાથે ભયાવહ સ્થિતિનું સર્જન થયું હતું. પાલિકાના જણાવ્યા પ્રમાણે, સુરતમાં 2021માં 991 લોકોનાં જ મોત થયાં હતાં જોકે મોતના આંકડમાં ગોલમાલ થઈ હોવાના આક્ષેપો પણ થયા હતા, કેમ કે ડેલ્ટા વેરિયન્ટને કારણે કેસોમાં ખૂબ જ મોટો ઉછાળો આવ્યો હતો. આ સાથે સ્મશાનોમાં પણ લાઈનો લાગવાની સાથે મૃતદેહોના ઢગલાઓ પણ થયા હોવાનાં દૃશ્યો સામે આવ્યાં હતાં. ડેલ્ટા વેરિયન્ટને કારણે એપ્રિલ અને મે મહિનામાં જ 74037 કેસ નોંધાયા હતા અને 871 મોત નોંધાયાં હતાં.

ઓમિક્રોને ચિંતાનું વાતાવરણ ઊભું કર્યું
આફ્રિકાથી ફેલાયેલા કોરોનાના ઓમિક્રોન વેરિયન્ટથી વિશ્વભરમાં ચિતાનું વાતાવરણ સર્જાયું છે. સુરતમાં અત્યારસુધીમાં 17 જેટલા ઓમિક્રોનના કેસ નોંધાઈ ચૂક્યા છે. આ સાથે જ સુરતમાં કોરોનાના કેસમાં ઉછાળો આવ્યો છે. 7 મહિના બાદ 400થી વધુ કેસ નોંધાવાનું શરૂ થયું છે. છેલ્લા એક અઠવાડિયાથી કેસમાં ઉછાળો આવ્યો છે. આ સાથે વિદ્યાર્થીઓમાં કોરોના સંક્રમણ વધુ ફેલાયું છે.

ઓમિક્રોનના કહેર વચ્ચે વેક્સિનેશનથી રાહત
ડોક્ટરોના અનુમાન પ્રમાણે, ઓમિક્રોનને કારણે કેસમાં ઉછાળો આવી શકે છે. જોકે તેમાંથી મોટા પ્રમાણમાં દર્દીઓને હોસ્પિટલાઈઝ થવાની જરૂર નહીં રહે છે. આ પ્રમાણે જ સુરતમાં હાલ એક્ટિવ કેસની સંખ્યા 743 નોંધાઈ છે. જ્યારે હોસ્પિટલમાં દાખલ દર્દીઓની સંખ્યા 23 નોંધાઈ છે, એટલે કે કોરોનાના કુલ એક્ટિવ 743 દર્દી માંથી માત્ર 23 દર્દી હોસ્પિટલમાં સારવાર માટે દાખલ છે. ટકાવારીની દૃસ્ટિએ જોઈએ તો શહેરના કુલ 743 એક્ટિવ દર્દી પૈકી માત્ર 4% દર્દીઓ હોસ્પિટલમાં સારવાર માટે દાખલ છે. એ સિવાયના 96% દર્દીઓ હાલ હોમ આઈસોલેશનમાં ઘરે સારવાર લઈ રહ્યા છે.

Abhishek Raghuvanshi

+ Follow Subscribe