શ્રમિક સંમેલનનું આયોજન:રાજ્યના 6 જિલ્લાના અસંગઠીત શ્રમિકો હાજર રહ્યાં, મંત્રી બ્રિજેશ મેરજા વર્ચ્યુઅલી જોડાયા

શ્રમ, કૌશલ્ય વિકાસ અને રોજગાર વિભાગ દ્વારા રાજ્યના અમદાવાદ, વડોદરા, સુરત, રાજકોટ, જામનગર અને ભાવનગર એમ છ જિલ્લામાં અસંગઠીત શ્રમિક સંમેલનનું આયોજન કરવામાં આવ્યું હતું. અમદાવાદ ખાતેના કાર્યક્રમમાં મંત્રી બ્રિજેશ મેરજાએ વર્ચ્યુઅલી જોડાઇ ઉપસ્થિત તમામને સંબોધિત કર્યા હતાં. છ જિલ્લામાં અંદાજે 2000 અસંગઠિત શ્રમિકો તથા બાંધકામ શ્રમિકો હાજર રહ્યાં હતાં.

આ કાર્યક્રમમાં અસંગઠિત શ્રમિકો માટે ઇ-શ્રમ કાર્ડ તથા બાંધકામ શ્રમિકો માટે ઇ-નિર્માણ કાર્ડ કઢાવવાની વ્યવસ્થા ગોઠવવામાં આવી હતી.જેમાં 283 અસંગઠિત શ્રમિકોને ઇ-શ્રમ કાર્ડ તથા 84 બાંધકામ શ્રમિકોને ઈ- નિર્માણ કાર્ડ સ્થળ પર જ કાઢી આપવામાં આવ્યાં હતાં. ઉપરાંત ગુજરાત મકાન અને અન્ય બાંધકામ શ્રમયોગી કલ્યાણ બોર્ડની વિવિધ યોજનાઓના 121 લાભાર્થીને વિતરણ કરવામાં આવ્યું હતું.તેમજ પીએમ સ્વનીધિ યોજનાના 56 લાભાર્થીએ પણ લાભ મેળવ્યો હતો.