છેડતી:સુરતમાં ટ્રાફિક સિગ્નલ પર બાઈક પર પાછળ બેઠેલી યુવતી સાથે યુવકે શારીરિક અડપલાં કર્યા

જાહેર રસ્તા પર પરિવારના સભ્યોની હાજરીમાં છેડતી કરનારને પોલીસે ઝડપી વધુ તપાસ હાથ ધરી છે.

Abhishek Raghuvanshi13 अक्टूबर 2020 · 1 मिनट पढ़ें

इस खबर को अपनों तक पहुंचाएं

કાકા સાથે જતી યુવતીએ ફરિયાદ કરતાં આરોપીને પોલીસ હવાલે કરાયો

કાકા તેની ભત્રિજીને દવાખાને લઈ જતા હતા એ દરમિયાન કાપોદ્રા સર્કલ પર ટ્રાફિક સિગ્નલ પર ઉભા હતા. તે દરમિયાન એક યુવકે યુવતીના કમરના ભાગ હાથ ફેરવીને શારીરિક છેડતી કરી હતી. જેથી ભત્રિજીએ કાકાને સમગ્ર ઘટનાની જાણ કરતાં યુવકને પોલીસ હવાલે કરવામાં આવ્યો છે.

ટ્રાફિક પોલીસની મદદથી આરોપીને ઝડપી લેવાયો
ટેક્સટાઈલના વેપાર સાથે સંકળાયેલા કાકા તેની ભત્રિજીને દવાખાને લઈ જઈ રહ્યાં હતાં. આ દરમિયાન જવાહરનગર ચાર રસ્તા પાસે આવેલ ખોડીયાર પાનના ગલ્લાની સામે જાહેર રોડ પર ટ્રાફિક સિગ્નલ હોવાથી કાકાએ પોતાનું બાઈક ઉભું રાખી દીધું હતું. આ દરમિયાન બાઈકમાં કાકાની પાછળ ભત્રિજી બેઠી હતી. તેણે કાકાને વાત કરી કે સામે ઉભેલ અજાણ્યો શખ્સ પાછળથી કમરના ભાગે સ્પર્શ કરી છેડતી કરી છે.જેથી કાકાએ બાઈકને સાઈડમાં કરી દઈ અજાણ્યાને ટ્રાફિક પોલીસની મદદથી ઝડપી લઈ પોલીસ હવાલે કર્યો હતો.

રાજુ અઘારા ઝડપાયો
100 નંબર પર ફોન કરીને પોલીસને બોલાવતા પોલીસ કાફલાએ આવીને છેડતીખારને ઝડપી લીધો હતો. છેડતી કરનારે પોતાનું નામ રતિલાલ ઉર્ફે રાજુ જેન્તીભાઈ અઘારા (ઉ.વ.32) રહે. કાપોદ્રા ચાર રસ્તા સુરતના હોવાનું જણાવ્યું હતું. હાલ પોલીસે આરોપી રાજુ અઘારાને ઝડપી લઈને કાયદેસરની કાર્યવાહી હાથ ધરી છે.