પાલનપુર: રાજ્યમાં ચારેબાજુ વરસાદી માહોલ છવાયો છે. ત્યારે આવા માહોલમાં ગુજરાતીઓને માઉન્ટઆબુ જવાનું ચોક્કસ મન થાય. જોકે, પાલનપુરમાં મોડી રાતે ધોધમાર વરસાદ વરસ્યો હતો. જેના કારણે હાઇવે પર પાણી ભરાઇ ગયા છે. તો એની સાથે આ પાણી અને ખાડાવાળા રસ્તા પર ટ્રક પણ પલટી ગઇ છે. જેના કારણે પાલનપુર-આબુરોડ હાઇવે પર ટ્રાફિક જામ થઇ ગયો છે. આ ટ્રાફિક જામ થવાને કારણે લોકોને મુશ્કેલીઓનો સામનો કરવો પડી રહ્યો છે.
ઉત્તર ગુજરાતના જિલ્લામાં વરસાદી માહોલ છવાયો છે. પાલનપુરમાં મોડી રાત્રે વરસાદ વરસી રહ્યો છે. પાલનપુર-આબુ હાઈવે પર મસમોટા ખાડા પડ્યા છે અને તેમા વરસાદી પાણી ભરાઇ ગયા છે. જેના કારણે રસ્તા પર એક ટ્રક પલટી ગઇ છે. જેના કારણે હાઇવે પર વાહનોની લાંબી કતારો જામી ગઇ છે. સામાન્ય વરસાદમાં પણ અમદાવાદ-આબુ હાઇવે ઉપર પાણી ભરાઈ જતા વાહન ચાલકો અને સ્થાનિકોમાં ભારે રોષ જામ્યો છે.
